ဟောလီးဝုဒ်၏ လူသိများသော ရွှေရောင်စုံတွဲ တစ်တွဲအဖြစ် အသိအမှတ် ပြုခံထားရသည့် အော်လန်ဒို ဘလွမ်းနှင့် မီရန်ဒါကားရ်တို့၏ ဆက်ဆံရေးသည် အက်ကြောင်းထင်စ ပြုလာပြီဟု သတင်းများ ထွက်ပေါ်လာခဲ့သည်။ (၂)နှစ်ကြာ ပေါင်းသင်းခဲ့သော အိမ်ထောင်ရေးသည် ယခုအခါ အခြေအနေ ဆိုးလာကြောင်း သတင်းများက သုံးသပ် ဖော်ပြလာခဲ့သည်။ ပြီးခဲ့သည့် ရက်ပိုင်းများအတွင်း ဘလွမ်းရော၊ ကားရ်ပါ လက်ထပ် လက်စွပ်များကို ဆက်လက် ဝတ်ဆင်ထားခြင်း မရှိသည့်နောက် ယင်းတို့၏ အနာဂတ်အတွက် မေးခွန်းများ ထွက်ပေါ်လာသည်။
Victoria's Secret စူပါမော်ဒယ်လ် ကားရ်ရော၊ သူမ၏ အသက်(၃၅)နှစ်အရွယ် ခင်ပွန်းသည်တို့ပါ ယခုအခါ လက်ထပ်လက်စွပ် မဝတ်တော့ဟု သိရှိရသည်။ ၎င်းတို့ ဇနီးမောင်နှံနှင့် ရင်းနှီးသော မိတ်ဆွေများက ဘလွမ်းနှင့် ကားရ်တို့၏ အိမ်ထောင်ရေးတွင် ပြဿနာအချို့ ရှိနေကြောင်း သုံးသပ် ပြောဆိုခဲ့ကြသည်။ "ကားရ်က သူ့လက်စွပ်ကို မဝတ်တော့ပါဘူး။ အဲဒီအတွက် စိတ်ထဲမှာလည်း တစ်ခုခု ရှိပုံ မရဘူး။ ဒီအချက်က သူနဲ့ ဘလွမ်းကြားက ဆက်ဆံရေးဟာ အဆိုးဘက် ဦးတည်လာတယ်လို့ ဆိုနိုင်ပါတယ်"ဟု ကားရ်၏ သူငယ်ချင်းတစ်ဦးက ဆိုသည်။
ကားရ်၏ မန်နေဂျာကမူ အသက်(၂၉)နှစ်အရွယ် မော်ဒယ်လ်နှင့် ပတ်သက်သော ယင်းသတင်းများသည် ကောလဟာလသာ ဖြစ်ကြောင်း ပြောဆိုထားသည်။ ဘလွမ်းနှင့် ကားရ်တို့သည် (၂၀၁၀)ပြည့်နှစ်၊ ဇူလိုင်လက ထိမ်းမြား လက်ထပ်ခဲ့ကြပြီး သားဦးလေး ဖလင်းကိုလည်း မွေးဖွားထားခဲ့ပြီးဖြစ်သည်။
No comments:
Post a Comment