အရှေ့တောင်အာရှတွင် အဓိကနေရာရယူရန် ပြင်ဆင်နေသည့် မြန်မာနိုင်ငံ

မိုးလွင်အောင်ဘာသာပြန်ဆိုသည်။

(ဇူလိုင်လ၁၆ရက်နေ့ထုတ် Flower News ဂျာနယ် အတွဲ (၈) အမှတ် (၂၇)မှ ထုတ်ယူဖော်ပြချက်။)

လွန်ခဲ့သည့် ရာစုနှစ်ဝက်တွင် ထိုင်းနိုင်ငံနှင့် မြန်မာနိုင်ငံတို့၏ အနေအထားကိုကြည့်လျှင် သိသိသာသာ ကွာပာခြာနားနေသည်ကို တွေ့မြင်ရ မည်ဖြစ်သည်။

ထိုစဉ်က ထိုင်းနိုင်ငံသည် ကြီးမားသော ဒီမိုကရေစီဖွံ့ဖြိုးမှု အလားအလာကောင်းသော စီးပွားရေးတို့နှင့် အရှေ့တောင်အာရှ၏ အတောက် အကြွားဆုံး နေရာထဲမှတစ်ခု ဖြစ်နေခဲ့သည်။ မြန်မာနိုင်ငံကမူ ပိတ်ဆို့ထားသော လူ့အဖွဲ့အစည်း၊ ဖွံ့ဖြိုးတိုးတက်ခြင်းမရှိသော စီးပွားရေးနှင့် ကမ္ဘာ့ အထီးကျန်အဆန်ဆုံး နိုင်ငံများထဲမှ နိုင်ငံတစ်နိုင်ငံ ဖြစ်နေခဲ့ပါသည်။

ယနေ့အချိန်အခါကို ကြည့်လျှင်မူထိုင်းနိုင်ငံမှာ ပြည်တွင်းဝရုန်းသုန်းကားအခြေအနေနှင့် ဆက်လက် တိုက်ပွဲဝင်နေရပြီး မြန်မာနိုင်ငံကမူ နိုင်ငံ ရေးနှင့် စီးပွားရေး ပြုပြင်ပြောင်းလဲမှုများကို ကျယ်ကျယ်ပြန့်ပြန့် ခွင့်ပြုလာမှုနှင့်အတူ ထူးခြားသော လွတ်လပ်ပွင့်လင်းမှုများကို ခင်းကျင်းပြသလျက် ရှိပါ သည်။

မြန်မာနိုင်ငံ၏ ပြုပြင်ပြောင်းလဲမှု အရှိန်အဟုန်မှာ နိုင်ငံတကာအသိုင်းအဝိုင်းကိုပင် အကြီးအကျယ် အံ့အားသင့်စေခဲ့သည်မှာလည်း အမှန်ပင် ဖြစ်သည်။ မကြာသေးမီကပင် သမ္မတဦးသိန်းစိန်က နိုင်ငံခြားရင်းနှီးမြှပ်နှံမှုကို ဆွဲဆောင်ရန်နှင့် နိုင်ငံတကာစီးပွားရေး ပူးပေါင်းဆောင်ရွက်မှုကို တိုးမြှင့် ရန်အတွက် မြန်မာနိုင်ငံ၏ စီးပွားရေးပြုပြင်ပြောင်းလဲမှုကို အရှိန်အဟုန် မြှင့်တင်သွားမည်ဖြစ်ကြောင်း ထပ်လောင်းပြောကြားခဲ့ပါသည်။ အချက်အခြာ ကျသော စီးပွားရေးဒေသများတွင် အခြေခ့အဆောက်အအုံကင်းမဲ့မှုနှင့် အစိုးရအုပ်ချုပ်ပုံတို့ကမူ အခွင့်အလမ်းများနှင့် လုပ်ဖော်ကိုင်ဖက်များကို ရှာဖွေ နေသော နိုင်ငံခြားရင်းနှီးမြှပ်နှံသူများကို တားဆီးထားသည် မဟုတ်ပါ။

ထိုင်းနိုင်ငံက ဆယ်စုနှစ်တစ်ခုကျော်လောက် နိုင်ငံရေးနွံနှင့် နိုင်ငံရေးနှစ်ခြမ်းကွဲနေသော ဝဲကတော့ထဲတွင် တဝဲလည်လည်ရှိနေပြီး အာဏာရ ပါတီနှင့် ဖွဲ့စည်းပုံအခြေခံတရားရုံးတို့အကြားမှ တပူတကျက်ကျက် ငြင်းခုံအချင်းများနေမှုက နိုင်ငံရေးတည်ငြိမ်မှုနှင့် စီးပွားရေးယုံကြည်မှုများအပေါ် သက်ရောက်မှု ပြုနေရာ တစ်လလည်းမဟုတ် တစ်နှစ်လည်းမဟုတ်ဆိုသကဲ့သို့ ရှေ့ကို ဆက်လက်ဖြစ်ပွားနေဦးမည့် သဘော ရှိနေပါသည်။ ဤသို့သော အနှုတ်သဘောဆောင်နေသည့် သဘောထားအမြင်က နိုင်ငံ၏ စီးပွားရေးစွမ်းအားကို ပျက်စီးစေသကဲ့သို့ အနာဂတ်ဖြစ်ထွန်းတိုးတက်မှုများကို လျော့ပါး စေမည် ဖြစ်ပါသည်။ ထိုင်းနိုင်ငံ၏ ထွက်ပေါက်မရှိသော နိုင်ငံရေးအခြေအနေ၏ ထွက်ပေါက်အဖြစ် နိုင်ငံတကာစီးပွားရေးလုပ်ငန်းရှင်များနှင့် ရင်းနှီးမြှပ်နှံ သူတို့က ထိုင်းနိုင်ငံကို ရှောင်ကွင်းကျော်လွှားကာ ထိုင်းနိုင်ငံမှ ၂၄၀၀ကီလိုမီတာအကွာရှိ ပိုမိုတည်ငြိမ်မှုရှိသော မြန်မာနိုင်ငံသို့ သွားရောက်ကြမည်သာ ဖြစ်သည်။

ထိုင်းနိုင်ငံနှင့် ကွဲပြားခြားနားမှုအဖြစ် နေပြည်တော်အစိုးရသည် နိုင်ငံ၏ သဘောထားကွဲလွဲမှုများ ကျော်လွှားနိုင်ရေးကို ကောင်းစွာ လုပ်ဆောင် နေလျက် ရှိသည်။ သမ္မတဦးသိန်းစိန်နှင့် အတိုက်အခံခေါင်းဆောင် ဒေါ်အောင်ဆန်းစုကြည်တို့ လွန်ခဲ့သည့် သြဂုတ်လက တွေ့ဆုံဆွေးနွေးပြီး ပူးပေါင်း ဆောင်ရွက်လာမှုသည် မြန်မာနိုင်ငံအပေါ် နိုင်ငံတကာအသိုင်းအဝိုင်း၏ ယုံကြည်မှုကို ရယူနိုင်ခဲ့သည်အထိ ဖြစ်ပါသည်။

ဒေါ်အောင်ဆန်းစုကြည်သာ နိုင်ငံရေးအရ ဆက်လက်တက်ကြွ ထက်သန်ရှင်သန်နေဆဲရှိပြီး နေပြည်တော်အစိုးရအဖွဲ့ အကြီးအကဲများနှင့် သင့် မြတ်နေသမျှ သူမ၏ နိုင်ငံနှင့် အခြားသောကမ္ဘာ့နိုင်ငံများအား ပေါင်းကူးဆက်သွယ်ပေးခြင်းဖြင့် နိုင်ငံ၏ စီးပွားရေးပူးပေါင်းဆောင်ရွက်မှု တိုးချဲ့ရေးနှင့် ဈေးကွက်အခွင့်အလမ်း ရရှိရေးအတွက် စတင်ဆောင်ရွက်ရာတွင် သူမအနေဖြင့် သယ်ပိုးထမ်းရွက်သွားမည်သာ ဖြစ်သည်။

တစ်ချိန်က မြန်မာ့ဆိုရှယ်လစ်လမ်းစဉ်ဟူသော ဆောင်ပုဒ်နေရာတွင် “မြန်မာနိုင်ငံသို့ ရှေးရှုနေသော လမ်းများ”ကို အစားထိုးလိုက်ခြင်းက ဒေသတွင်းရှိ အဓိကမြို့ကြီးများမှ နေ့စဉ် လေကြောင်းခရီးစဉ်များဖြင့် မြန်မာနိုင်ငံတွင် စုပြုံတိုးကြိတ်စေခဲ့ပါသည်။ ထိုသို့သော ဦးတည်ရာအတိုင်း ဆက်လက် ဖြစ်ပေါ်နေမည်ဆိုပါက အရှေ့တောင်အာရှတွင်ရှိ နိုင်ငံရေးနှင့် မဟာဗျူဟာမြင်ကွင်းမှာ သိသာထင်ရှားစွာ ပြောင်းလဲသွားမည်ဖြစ်ပါသည်။

အထူးသဖြင့် အနောက်နိုင်ငံကြီးများဖြစ်သော အမေရိကန်ပြည်ထောင်စုနှင့် ဥရောပနိုင်ငံများကလည်း ပထမဦးဆုံးအကြိမ်အဖြစ် သူတို့၏ အစွမ်းအစကို ပြသလာနိုင်ကြမည်သာ ဖြစ်ပါသည်။ ယင်းသည်ပင် မြန်မာနိုင်ငံအနေနှင့် ဒေသအတွင်းအခရာကျမှု အသစ်ဖြစ်ပြီး ထိုအခရာကျမှုအသစ် သည်ပင် မြန်မာနိုင်ငံအနေနှင့် ခေတ်နောက်ကျကျန်နေခဲ့လင့်ကစား ဒေသတွင်း၏ အဓိကအပြောင်းအလဲကိုဖော်ဆောင်ပေးသူဖြစ်ရန် အသင့်ရှိနေခြင်း ဖြစ်ပါသည်။

မြန်မာနိုင်ငံသည် အရှေ့ဘက်တွင် တရုတ်နိုင်ငံနှင့် အနောက်ဘက်တွင် အိန္ဒိယနိုင်ငံတို့အကြားမှ အကောင်းဆုံးတည်နေရာအနေအထားတွင် ရှိနေသော နိုင်ငံတစ်နိုင်ငံ ဖြစ်ပါသည်။ မြန်မာနိုင်ငံသည် ကမ္ဘာလုံးဆိုင်ရာ အလွန်အမင်းရန်လိုသော အခြေအနေမှ ရှင်သန်လာသည့် နိုင်ငံလည်း ဖြစ်သည်။ ဆယ်စုနှစ်အတန်ကြာ အထီးကျန်မှုနှင့် အနောက်နိုင်ငံတို့၏ အရေးယူပိတ်ဆို့မှုတို့က မြန်မာနိုင်ငံကို တရုတ်နိုင်ငံနှင့် မိတ်ဆွေဖွဲ့၍ အကူအညီ ရယူမှုကို ပြုစေခဲ့ခြင်း ဖြစ်ပါသည်။ အမေရိကန်ပြည်ထောင်စုနှင့် ပြန်လည်ဆက်ဆံပြုလာနိုင်ခြင်းက  မြန်မာနိုင်ငံ၏ စိတ်ဓာတ်မြဲမြံမှုနှင့် စိတ်ရှည်သည်းခံ နိုင်မှုတို့ကို ပြသနေသော သာဓကများလည်း ဖြစ်ပါသည်။ တရုတ်နိုင်ငံအရေးကို ကိုင်တွယ်ဖြေရှင်းရာတွင် မြန်မာနိုင်ငံ၏ ရဲရင့်မှု ပြတ်သာမှုတို့မှာ ဒေသတွင်း၌ မြင်ရခဲလှသောအနေအထားလည်း ဖြစ်ပါသည်။ မြန်မာနိုင်ငံကို ရှောင်ဖယ်မှုပြုနေသော အင်အားကြီးနိုင်ငံတို့ကလည်း မြန်မာနိုင်ငံကို အမြင်သစ်နှင့် ရှုမြင်လာခဲ့ကြပါသည်။ ယင်းသည်ပင် သူတို့က မြန်မာနိုင်ငံနှင့် ပုံမှန်ဆက်ဆံရေးကို အလျင်အမြန် တည်ဆောက်လာကြသကဲ့သို့ မြန်မာ နိုင်ငံတွင် သူတို့၏ ပြောအားဆိုအား တိုးပွားလာစေရန် ပူးပေါင်းဆောင်ရွက်မှုများကို အရှိန်မြှင့်တင်ကာ ဆောင်ရွက်လာခဲ့ကြပါသည်။

၂၀၁၄ခုနှစ်တွင် မြန်မာနိုင်ငံက အာဆီယံဥက္ကဋ္ဌနေရာကို တာဝန်ယူဆောင်ရွက်ရန် ပြင်ဆင်မှု ပြုနေပြီဖြစ်သည်။ မြန်မာနိုင်ငံ၏ ပြောင်းလဲမှုပြု သော အခန်းကဏ္ဍကို အထင်သေးလျှော့တွက်၍ ရမည်မဟုတ်ပါ။

နေပြည်တော်အစိုးရနေဖြင့် အာဆီယံတွေ့ဆုံဆွေးနွေးပွဲများတွင် ၎င်း၏ တင်းမာသော ရပ်တည်ချက်များမှ ပျော့ပျောင်းသော သဘောထား ရပ်တည်ချက်သို့ လျှော့ပေါ့ခဲ့သည်ကို တွေ့ရပြီး လွန်ခဲ့သည့် နိုဝင်ဘာလက အမျိုးသားလူ့အခွင့်အရေးဆိုင်ရာ အဖွဲ့အစည်းမှ ထိုင်း၊ အင်ဒိုနီးရှား၊ မလေး ရှား၊ ဖိလစ်ပိုင်နိုင်ငံတို့နှင့် ချိတ်ဆက်မှု ပြုလာခဲ့သည်။ အာဆီယံအဖွဲ့ဝင်နိုင်ငံများနှင့် နိုင်ငံတကာကိုယ်စားလှယ်များကို ဧပြီလက ကျင်းပသည့် ကြားဖြတ် ရွေးကောက်ပွဲကို လေ့လာအကဲဖြတ်ရန် ပထမဦးဆုံးအကြိမ်အဖြစ် မြန်မာအစိုးရက ဖိတ်ခေါ်ခဲ့သည်။

မြန်မာနိုင်ငံ၏ အကြီးအမားဆုံး အပြောင်းအလဲမှာ လွတ်လပ်စွာဖော်ပြခွင့်ပင် ဖြစ်ပါသည်။ မြန်မာနိုင်ငံ၏ သတင်းဆင်ဆာ ဖြတ်တောက်မှုကို အဆုံးသတ်တော့မည်ဟု ပြန်ကြားရေးနှင့် ပြည်သူ့ဆက်ဆံရေးဌာန ညွှန်ကြားရေးမှူချုပ် ဦးရဲထွဋ် ကတိပြုထားခဲ့ပြီး ဖြစ်ပါသည်။ အရှည်တည်တံ့သော ပြောင်းလဲမှုများနှင့် သတင်းလွတ်လပ်ခွင့် ပိုမိုရရှိခြင်းက အာဆီယံအဖွဲ့ဝင်နိုင်ငံများတွင် ပယ်ခံအဖြစ် ရှိနေခဲ့သော မြန်မာနိုင်ငံ၏ ဂုဏ်ဒြပ်ကို မြှင့်တင်ရာ ရောက်မည် ဖြစ်ပါသည်။ သတင်းခေါင်းစီးများတွင် နေရာယူလွှမ်းမိုးလာသော မြန်မာနိုင်ငံနှင့် ထိုင်းနိုင်ငံတို့၏ နှစ်နိုင်ငံဆက်ဆံရေးတွင် ရှုပ်ထွေးမှု အသစ်များနှင့် ရင်ဆိုင်လာရဖွယ် ရှိနေသည်ဟု ဆိုရပါမည်။ ရွှေ့ပြောင်းလုပ်သားနှင့် မြန်မာနိုင်ငံမှ အိမ်ရာပစ်ပြေးလာသော ဒုက္ခသည် သုံးသန်း နီးပါး ခန့်ရေးမှာ အနာဂတ်နှစ်နိုင်ငံဆက်ဆံရေးတွင် အဖုအထစ်များ ဖြစ်လာဖွယ်ရှိပါသည်။

                အိမ်နီးချင်းထိုင်းနိုင်ငံ၏ မဟာဗျူဟာမြောက်မရေရာမပြတ်သားမှု အပါအဝင် အာနည်းချက်များရှိနေသည့် အချိန်မျိုးတွင် ထိုသို့သော အခြေ အနေမှ အသာစီးရယူနိုင်မည့် အနေအထားတွင်ရှိနေသော မြန်မာနိုင်ငံက အရှေ့တောင်အာရှဒေသတွင်း၏ ပလေယာအသစ်အဖြစ် ပေါ်ပေါက်လာ လျက် ရှိသည်ဟု ဆိုရပါမည်။ အလားတူ မြန်မာနိုင်ငံက တရုတ်နိုင်ငံအပေါ် မှီခိုနေမှုလျော့ပါးစေရန်နှင့် ဒေသတစ်နံတစ်လျား သြဇာလွှမ်းမိုးရန်အတွက် အဓိကအင်အားကြီးနိုင်ငံတို့၏ လိုလားနေသောဆန္ဒများသည် မြန်မာနိုင်ငံ၏ လုံခြုံရေးနှင့် မဟာဗျူဟာမြောက်တန်ဖိုးများကို ကြီးထွားတိုးပွားလာစေမည့် အရိပ်လက္ခဏာများဟု ဆိုနိုင်ပါကြောင်း။