လူကြိုက်အများဆုံး
-
ကချင်ပြည်နယ် မြစ်ကြီးနားမြို့ရှိ ကချင်အမျိုးသမီးများအဖွဲ့မှ ကချင်ပြည်နယ်ငြိမ်းချမ်းရေးရရှိရေး ဆန္ဒဖော်ထုတ်တန်းစီလှည့်လည်ရန် ပြင်ဆင်နေကြောင်...
-
စံခလပူရီ (မဇ္ဈိမ)။ ။ ကချင်ဒေသသို့ အစိုးရတပ်များ တိုးချဲ့နေရာယူထားကြရန် ဇူလိုင်လ ၂၆ ရက်နေ့က စစ်တိုင်းဒေသများ ကွပ်ကဲရေးဆိုင်ရာ အလွတ်သဘော ထိ...
-
From : မေသဇင် အပျို၊အပျိုစစ်နှင့် အပျိုစင် ဆိုတဲ့ ဒီပို့ စ်လေးကို ညီမငယ်လေးတွေ ခွဲခြားသိမြင်အောင်လို့  ရေးလိုက်တာပါ...။ မိန်း...
-
ADK အထည်ချုပ်ရဲ့ ခုံသမာဓိကောင်စီ ကြားနာမှု မင်္ဂလာဒုံမြို့နယ် မြို့နယ် အုပ်ချုပ်ရေးမှူးရုံးတွင် ဇူလိုင်လ ၂၇ ရက်နေ့ က ပြုလုပ်ခဲ့ပါတယ်။ အထ...
-
တရုတ်ပြည်နယ်တွင်ရှိသော နောင်တောင်းခရိုင်မှ နာကောင်ကောင့် (Na Kawng Kawng) ဒုက္ခသည်စခန်းအတွင်း ကလေးများ (၁၀) ဦးခန့်တွင် သွေးလွန်တုတ်ကွေး ...
Sunday, July 22, 2012
နာကောင်ကောင့် ဒုက္ခသည်စခန်းရှိ ကလေးများတွင် သွေးလွန်တုတ်ကွေး ရောဂါကူးစက်မှုများလာ
တရုတ်ပြည်နယ်တွင်ရှိသော နောင်တောင်းခရိုင်မှ နာကောင်ကောင့် (Na Kawng Kawng) ဒုက္ခသည်စခန်းအတွင်း ကလေးများ (၁၀) ဦးခန့်တွင် သွေးလွန်တုတ်ကွေး ကူးစက်မှုဖြစ်ပွားနေကြောင်း ဒုက္ခသည်စခန်းမှ တာဝန်ရှိသူများပြောသည်။
ဗန်းမော်ခရိုင် မန်ဝိန်းမြို့ တရုတ်ပြည်ဖက်တွင်ရှိသော နာကောင်ကောင့်စခန်းတွင် ဇူလိုင်လမှစပြီး လသားအရွယ်ကလေးငယ်များမှစ၍ အသက် (၈) နှစ်ရွယ်ကလေးငယ်များ သွေးလွန်တုတ်ကွေးရောဂါ ကူးစက်ခံနေရခြင်းဖြစ်ကြောင်း စခန်းတွင် ကျမ်းမာရေးကူညီစောင့်ရှောက်ပေးနေသူ ဆရာခေါင်ဇောင်း (Sara Hkawng Zawng) ကပြောသည်။
“အခုတလော မိုးလေ၀သအခြေအနေလည်းမကောင်းဘူး။ နေကလည်းအရမ်းပူလိုက် မိုးကလည်း အရမ်းရွာလိုက်နဲ့ လူကြီးက တစ်ယောက်နှစ်ယောက်ဖြစ်တယ်။ ကလေးတွေမှာပိုဖြစ်တယ်။ မူကြိုအရွယ်နဲ့ (၁) တန်း (၂) တန်းအရွယ်တွေလေ။ အဲဒီရောဂါက ခြင်ကိုက်တာကနေဖြစ်တာလေ အဲဒါဖြစ်တဲ့လူက နာစည်းချောင်းဆိုး ချေလက်တွေမှာ အနီရောင် အကွက်အကွက် ကပ်လာတယ်။ ဒီရောဂါက ကူးစက်လာတဲ့မျိုးလေ တစ်ယောက်ဖြစ်ရင် မိသားစုလိုက်ဖြစ်တဲ့ဟာမျိုးပေါ့။ အဲဒါကြောင့် အဲလိုမျိုးဖြစ်တဲ့ ကလေးတွေကိုဆိုရင် ကျောင်းမသွားခိုင်းဘူး အိမ်မှာပဲထားထားတယ်” ဟု ဆရာကပြောသည်။
ထိုရောဂါကူးစားမှုမှကာကွယ်ရန် စခန်းရှိဒုက္ခသည်များအား ချောင်းဆိုးရာတွင် ပ၀ါဖြင့် ပါစပ်ပိတ်ခိုင်းခြင်း၊ ရေများကို ကျိုချက်၍သောက်သုံးခိုင်းခြင်း၊ ခြင်ကိုက်ခြင်းမှ ကာကွယ်မှုများပြုလုပ်စေကြောင်း သိရသည်။
ပြီးခဲ့သည့်အပတ်များတွင်လည်း နောင်တောင်းမြို့ရှိ ကချင်စစ်ပြေးဒုက္ခသည်စခန်းအချို့တွင် အသားဝါရောဂါများဖြစ်ပွားခဲ့ပြီး မန္တလေးဆေးရုံကြီးမှ ဆရာဝန်အောင်မိုင် (Awng Mai) ဦးဆောင်သော ကချင်ဆရာဝန်များ ၁၀ ဦးရောက်ရှိလာကာ ဒုက္ခသည်စခန်တိုင်းတွင် လိုအပ်သောဆေးဝါးများကို ကုသပေးခဲ့ကြောင်း နောင်တောင်း ဒုက္ခသည်ကူညီရေး ကော်မတီဝင် ဆရာမနန်ဘောက် (Nang Bawk) ပြောသည်။
“အားလုံး ၁၀ ယောက်ဟုတ်တယ်။ ဆရာဝန်က ၃ ယောက် သွားဆရာဝန်လည်းပါတယ်။ သွားတွေလည်းနုတ်ပေးတယ်။ စခန်းတစ်ခုမှာ ၃ ရက်စီနေပြီး ဆေးတွေကုပေးတယ်။ သူတို့က မန္တလေးမှာရှိတဲ့ ခရစ်ယာန်အသင်းတော်တွေကနေ အလှူငွေကောက်ပြီး အခုလိုလိုက်ကုပေးတာဟုတ်တယ်တဲ့” ဟု ဆရာမနန်ဘောက်ကပြောသည်။
နာကောင်ကောင့် (Na Kawng Kawng) ဒုက္ခသည်စခန်းသည် နောင်တောင်းခရိုင်ရှိ ကချင်စစ်ပြေးဒုက္ခသည် စခန်း ၆ ခုထဲမှ ၁ခုဖြစ်ပြီး အိမ်ထောင်စု ၉၇ ရှိပြီး လူဦးရေပေါင်း ၃၇၉ ဦးရှိကြောင်း သိရသည်။
Subscribe to:
Post Comments (Atom)
No comments:
Post a Comment