Mr.Tomas Ojea Quintana သည် မြန်မာနိုင်ငံရှိ ကုလသမဂ္ဂ အဖွဲ့အစည်းများဆိုင်ရာ ခေတ္တဌာနေကိုယ်စားလှယ် Mr.Ramesh M.Shrestha နှင့် တာဝန်ရှိသူများ လိုက်ပါလျက် ဇူလိုင် ၃၀ ရက် နံနက် ၈ နာရီ ၄၅ မိနစ်တွင် ဗဟိုအကျဉ်းထောင်(အင်းစိန်) သို့ ရောက်ရှိရာ ပြည်ထဲရေးဝန်ကြီးဌာန အကျဉ်းဦးစီးဌာန ညွှန်ကြားရေးမှူးချုပ် ဦးဇော်ဝင်းက သိလိုသည်များနှင့် စပ်လျဉ်း၍ ရှင်းလင်းဖြေကြားသည်။ ထို့နောက် Mr.Tomas Ojea Quintana သည် ဗဟိုအကျဉ်းထောင်(အင်းစိန်)ရှိ အချုပ်ကျနေသူ မြနန္ဒာအောင်၊ အကျဉ်းသား ဦးခေမာစာရ(ခ) ချမ်းသာနှင့် မောင်အောင်နိုင်တို့အား လွတ်လပ်ပွင့်လင်းစွာ တွေ့ဆုံမေးမြန်းသည်။ ထို့နောက် မွန်းလွဲ ၁၂ နာရီ မိနစ် ၂၀ တွင် အင်းစိန်အထွေထွေရောဂါကု ဆေးရုံကြီးသို့ သွားရောက်ပြီး ဆေးကုသမှု ခံယူလျက်ရှိသည့် အကျဉ်းသား ဖြိုးဝေအောင်အား တွေ့ဆုံမေးမြန်းကာ အမျိုးသမီး ဆေးကုသဆောင်ကို လှည့်လည်ကြည့်ရှု လေ့လာသည်။ ယင်းနောက် Mr.Tomas Ojea Quintana သည် နိုင်ငံခြားရေးဝန်ကြီးဌာန (ရန်ကုန်ရုံးခွဲ) ဧရာဝတီခန်းမ၌ နိုင်ငံရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်အား တွေ့ဆုံခဲ့ကြောင်း ၂၀၁၂ ခုနှစ် ဇူလိုင် ၃၁ ရက်နေ့ထုတ် မြဝတီ သတင်းစာတွင် ဖော်ပြထားပါသည်။
No comments:
Post a Comment